CEBU, Philippines – Magtiayong Mayor Nicepuro Apura ug Konsehal Mercedita Apura sa Dakbayan sa Carcar, hingpit nang nakaduso sa ilang COC kagahapon sa buntag.
Atol sa pagduso sa ilang COC si Carcar City Mayor Apura mao ang modagan isip vice mayor samtang ang iyang asawa maoy magpapili pagka mayor. Matod sa mayor nga bisan og daghan na siyang nahimo, mas maayo nga mapalambo pa kini og maayo ubos unya sa pagdulama sa iyang asawa kon hatagan og kahigayonan.
Gibutyag ni Mayor Nice nga kinahanglan palambuon pa og samot sa iyang asawa ang mga proyekto ug programa nga iyang nasugdan. (/DILT)(BANAT NEWS)