CEBU, Philippines — Blangko pa ang kapolisan kon kinsa ang mga mamumuno sa Malubog. Nasuta nga adunay mga ilegal nga drugas ug mga armas nga nakuha sa van diin gipatay ang mga biktima.
Sa pagkakaron gitutokan ang backgrounds sa mga nakalas ug ang duha ka survivors nga silang Charmaine Puran, 25, ug si Antonio Belande, 57, nga una nang nitug-an sa mga tigbalita nga nagduda silang polis ang mihimo niini.
Apan gihimakak kini dayon sa direktor sa PRO-7 nga si Chief Supt. Debold Sinas kinsa mipasangil sa media nga maoy nagsulsol sa mga survivors aron pasanginlan ang mga polis.
Matud ni Garma nakahinabi na nila ang maong mga survivors ug giingong magamit nila ang mga nakuhang impormasyon alang sa ilang imbestigasyon ug miklaro nga dili nila ikustodiya ang mga survivors kay mga biktima sila ug dili mga suspetsado.
Apan matud pa ni Garma nga magpadayon gihapon ang imbestigasyon sa Mabolo Police Station.
“Kami man ang dunay mandate sa pag-investigate. How come parallel investigation nga iba man ang objective ng investigation nila. Kami ang focus namin is to identify who killed them, gather the evidence, trace the suspects and sue them,” dugang pa sa maong hepe. (/IBM)(BANATNEWS)