Passenger ferry wala madayon sa pagbiyahe
CEBU, Philippines — Gipaabot sa pipila ka mga nagtrabaho sa Mactan Export Processing Zone (MEPZ) 1 sa Barangay Mactan ug Barangay Ibo, Dakbayan sa Lapu-Lapu ang pagsugod na og biyahe sa passenger ferry sa Island Express nga giingong manukad sa Mactan wharf, Barangay Ibo paingon ngadto sa Pier 3 sa Dakbayan sa Sugbo.
Nakita kini sa maong mga trabahante nga makahatag og kasulbaran sa ilang nasinati nga matag adlaw nga suliran sa lisod nga pagbiyahe diin malangan sila sa grabeng kahuot sa trapiko sa kadalanan.
Gitakda na unta ang maiden voyage sa maong passenger ferry niadtong Agosto 28 apan wala kini mahinayon tungod sa kakuwang pa sa mga dokumento nga gikinahanglan aron mahimo na nga legal ang ilang biyahe.
Giuswag kini kagahapong adlawa Septiyembre 25 apan sa gihapon adunay nasinati nga mga kakulian sa mga dokumento nga gikinahanglang hinungdan nga giuktaba una sa mga nagdumala ang pagbiyahe.Hinuon gipaniguro sa mga nagdumala nga mahingpit na ang pagbiyahe ang maong sakyanan sa kadagatan kong makompleto na ang permit gikan sa Maritime Industry Authority (Marina)-7 – BDB (BANAT NEWS)
- Latest