Upat ka tawo gipanid-an sa Task Force Willy

CEBU, Philippines — Ang kapolisan sa Dakbayan sa Lapu-Lapu aduna nay persons of interest sa pagpusil patay kang retired Senior Police Officer 2 Wilfredo “Willy” Amores diin usa sa ilang gitutokan mao ang murder ug theft human nakita ang footage sa Close Circuit Television (CCTV) camera nga tuyo kining gipatay una gikuha ang sling bag sa biktima.

Ang Task Force Willy adunay upat ka tawong gipanid-an karon nga responsable sa pagpusil patay kang Amores ug padayon pa karon nga gi-validate ang maong mga person of interest.

Matud sa pangulo sa Investigation Detection and Management Branch sa Lapu-Lapu City Police Office, Superintendent Eloveo Marquez nga usa sa ilang gilantaw karon mao ang murder ug theft kini human makita sa footage nga gitiwasan pa sa gunman si Amores pinaagi sa pagpusil niini sa ulo una gikuha ang sling bag sa biktima.

Wala usab gisalikway sa kapolisan ang anggulo nga love triangle o may labot sa negosyo niini diha sa casino.

Giingong gikompirmar sa DJ Poker sa casino nga ni cash-out og kapin sa P11 mil si Amores hinungdan dili nila makonpirmar nga aduna kini dala nga P5 milyones nga nigawas nga mga taho.

Giawhag sa kapolisan ang mga tawo nga nakasaksi sa pagpatay kang Amores nga mopatim-aw  diha sa ilang buhatan aron makatabang kini sa pagsikop sa kriminal. (/BDB)(BANATNEWS)