SWAT gi- deploy na, baruganan ni Tomas di maliso
CEBU, Philippines — Bisan og i-deploy na ang personnel sa Special Weapons and Tactics (SWAT) sa Cebu City Police Office (CCPO) sa kadalanan, wala gihapon mausab ang baruganan ni Mayor Tomas Osmeña nga dili na mosuporta ang siyudad sa maintenance ug registration sa mga sakyanan sa kapolisan.
Kini tungod kay wala siya kauyon sa mga nahitabo sa Sugbo.
Ang mga sakop sa SWAT i-deploy gikan sa ala una sa kaadlawon hangtud alas 5 sa buntag sa mga lugar nga dagsaon sa mga tawo.
Ang SWAT Team langkuban sa walo ka personnel ug giklaro sa CCPO nga sa ilang pagpatrolya gamiton nila ang ilang kaugalingong assault car ug dili sila sakay sa Mobile Patrol Group (MPG).
Hinoon gihulagway sa mayor nga mas maayo na lang nga ang mga SWAT gi-deploy na sa mga dapit nga daghang tawo.
Una na nga gibutyag sa mayor nga irekonsiderar na niya ang iyang desisyon labot sa pagsuporta sa maintenance ug registration sa mga sakyanan nga iya sa siyudad kun ang SWAT personnel i-deploy sa MPG. (BANAT NEWS)
- Latest
