Kabataan naalarma sa mga krimen

CEBU, Philippines — Mga kabataan gibati na og kabalaka nunot niining mga sagunson ug wa pa gihapon nangasulbad nga mga pagpatay dinhi sa Metro Cebu.

Si Joyce Agot, 19- anyos ug usa ka kolehiyala, usa lamang sa pipila ka mga batan-on nga naalarma sa mga sunodsunod nga patay sa Metro Cebu.

Usa siya sa mga gatosan nga mga youth leaders gikan sa nagkalainlaing organisasyon nga nagtapok kagahapong adlawa alang sa usa ka kalihokan nga nagselebrar sa International Youth Day nga mituki sa tema nga “Safe Spaces for the Youth.”

Si Agot, chairperson sa Supreme Student Council League of Presidents, miingon nga ang mga pagpatay halos kada adlaw na lamang sa probinsya ug dili na luwas nga lugar.

Siya nakaobserbar nga ang mga bayolente nga panghitabo nagpakita lamang nga wala na gisunod ang “due process” ug walay ‘transparency’ sa mga imbestigasyon.

“We don’t know what really happened? What is behind the incident? Who are accountable to these killings?

I don’t get it how these things are resulting to such. And it is not benefitting anyone,” tubag pa niya sa Banat News sa dihang giinterbyu atol sa kalihokan nga gipahigayon sa Cebu Grand Hotel.

Ang maong kalihokan gipasiugdahan sa National Youth Commission nga miapil sa global celebration sa International Youth Day ug national observance sa “Linggo ng Kabataan.”

Para ni Agot, ang mga pagpamatay makapaalarma.

“People are just being shot even in places they thought they are safe like in their homes.

That is why you are also not assured of your safety wherever you are going,” matud niya.

Siya nakasabot nga ang kining maong mga pagpamatay may bulok na karon sa pamolitika, ug nasubo sila sa panagbangi sa lokal nga mga opisyal ug sa kapulisan.

“Are they really there to serve the people? The purpose to serve has been defeated … People are not abiding the law already while some only want political gain.

We need transparency, bring criminals to justice without political biases,” dason niya.

Si Assistant Secretary Rhea Peñaflor, NYC commissioner for the Visayas, miawhag sa otoridad nga imbestigahan ang mga government forces nga nalambigit sa mga pagpamatay diri.

Bisan aduna pay balaud nga nagprotektar sa kabatan-onan kinahanglang apil sa protektahan ang komunidad.

Si Peñaflor midasig sa kabatan-onan nga mahimong aktibo ug mobarug pinaagi sa pagpaabot sa ilang opinyon bahin niining mga pagpamatay diri sa Metro Cebu.

“Their voices should be heard. They can organize peaceful assemblies with SK (Sangguniang Kabataan) officials and discuss on how to formulate measures or policies that will address these concerns,” matud niya. (BANAT NEWS)