Hotel paimbestigahan tungod sa diskriminasyo
CEBU, Philippines – Konsehal sa Dakbayan sa Sugbo gusto nga paimbestigahan ang usa ka sikat nga hotel sa Barangay Lahug, Cebu City tungod kay nakadawat sila og pipila ka reklamo kabahin sa diskriminasyon sa mga babaye ug sa mga miyembro sa LGBTQ ug ang giingong pagpangayo nila og entrance fee sa mga dudahan nilang escorts.
Si Cebu City Councilor Raymond Garcia miingon adunay mga reklamo diha sa social media bahin sa pagpangayo og entrance fee nga P1,000 matag dudahang escort o kadtong mga tawong molingaw sa mga guests nga mokuha sa ilang serbisyo.
Giingong bahinon sa guwardiya ug sa receptionists ang maong kwarta.
Matud pa nga adunay mga kaila niyang mga babaye nga adunay gipaabot nga guest diha sa sud sa hotel pangsitahon sa guwardiya, samtang duna say uban nga kuyog sa hotel guest dili pasudlon sa hotel ug abugon nga pabalhinon og laing hotel.
“So, it’s really discrimination kay ngano man? Babaye ra may duolon, dili man duolon ang mga laki. So, this is really a discrimination in the making,” sigon ni Garcia. Apil sa mga mireklamo kining mga LGBTQ members nga crossdressers nga dili kuno pasudlon sa Waterfront kung magabii.
Matud pa ni Garcia, posible nga gibuhat kini sa ubang hotels dinhi sa Siyudad sa Sugbo.
Si Garcia moduol sa Commission on Human Rights (CHR) ug sa Anti- Discriminatory Board aron himoan kini og imbestigasyon. Bahin sa pagpangayo og entrance fees ngadto sa mga dudahang escorts gusto ni Garcia imbestigahon kini sa National Bureau of Investigation ug sa CHR.
Matud niya ubos sa RA 9208 The Anti-Trafficking in Persons Act 2003 makonsiderar kini nga salaod.
“As a City Councilor I am concerned by these discriminatory acts practiced by a hotel in our city. As such, I am humbly seeking for the good office to investigate,” sigon ni Garcia. (/IBM)(BANAT NEWS)
- Latest
