CEBU, Philippines — Napalgang patay ug adunay mga samad pinusilan ang usa ka wa pa mailhing lalaki nga gituohang usa ka langyaw diha sa bakanteng luna sa Barangay Cansumoroy, Balamban.
Sigun pa ni Senior Police Officer 3 Benedicto Bobilles, sa Balamban Police Station, usa ka mag-uuma ang nakakaplag sa maong patay nga gibanabanang 40 anyos ug gitabunan og signboard sa DPWH.
"Wala na siyay wallet. Ang iyang sigarilyo mura mag Korean o Ininsik maong basin langyaw ni," sigun pa sa maong polis.
Nakaangkon kini og pipila ka mga samad pinusilan sa tiyan ug tangkugo.
Pagduda sa kapolisan nga niadto pang Lunes sa gabii gipatay ang biktima ug gilabay ra kini sa maong dapit. (/IBM)(BANATNEWS)