Bangga sa 3 ka sakyanan, usa patay
CEBU, Philippines — Usa patay ug duha ang naangol sa panagbangga tungod sa mechanical failure sa tulo ka sakyanan sa Uling, Dakbayan sa Naga niadtong Lunes sa buntag.
Ang nakalas mao si Manolo Datayola, 27, taga Cadiz City, Negros Occidental ug ang mga naangol mao sila si Allan Bautista, 53, ug Jonathan Desamparado, 24.
Gikan sa Dakbayan sa Toledo ang mga sakyanan dihang ang gimaneho ni Bautista ang kalit nga naigo ug nabangga sa gimaneho ni Davin Aldridge, 73-anyos.
Si Aldridge nisutoy og dagan para malikayan ang danyos ug malikayan sab ang gimaneho ni Vidal Davin apan si Bautista ang nakaigo kang Davin.
Ang pasahero ni Bautista nga si Datayola ang gidala sa Minglanilla District Hospital apan patay na kini samtang dali nga gidala si Bautista ug Desamparado sa South General Hospital. (Kenna Kyla G. Calizar, SWU-PHINMA Intern/GMR) (BANATNEWS)
- Latest