CEBU, Philippines — Nadakpan sa kapolisan ang suspek sa kasong pagpanglugos ug child abuse sa ilang panimalay sa Bliss, Pajo, Lungsod sa Daanbantayan sa niaging adlaw.
Si Police Senior Inspector Adrian Nalua, hepe sa kapolisan sa maong lungsod, niila sa dinakpan nga si Christopher Moñasque Dumosmog alyas Payling, 28-anyos.
Ang dinakpan dugay na nga nalutsan og warrant of arrest ug gipangita sa kapolisan apan wala na kini igkita.
Si Nalua nakadawat og impormasyon labot sa pagpauli ni Dumosmog sa ilang panimalay hinungdan nga dali kini nilang gisusi ug gisikop.
Samtang usa ka 16-anyos nga babaye nga nag-atubang og kasong qualified theft ang nitahan sa kapolisan sa Dakbayan sa Danao ug gitanggong samtang gipaabot ang pagbutang og piyansa nga P24,000. (BANAT NEWS)