“Nangilkil” nga polis taktakon gyud
CEBU, Philippines – Gimando ni Police Regional Office 7 Regional Director Chief Supt. Debold Sinas nga paspasan sa Cebu Provincial Police Office ang pagpadagan sa kasong administratiba sa nangilkil nga polis nga si SPO2 Vicente Gila Jr.
“Definitely he will suffer the consequences of what he had done. Tumanggap na po tayo ng utos from the regional director to hasten ‘yung hearing ng case para po talaga makita nila, makita ng kapolisan na ang PNP is very quick in punishing wrong doers,” sumala pa sa direktor sa CPPO nga si Senior Supt. Manuel Javier Abrugena.
Matud niya mataktak gyud sa serbisyo ang maong polis. Nasagmuyo si Abrugena kay bisan sa walay hunong nga pahimangno nga sila magtarong sa serbisyo aduna gihapoy molikoy. Niadtong adlawo’ng Martes, giingong nagpatabang sa polis ang tag-iya sa cellphone nga si John Vincent Rafols, 22, aron ma-entrap ang nakapunit sa iyang cellphone human mi-contact kini nga ipalukat sa kantidad nga P10 mil ug magkita sila sa usa ka mall didto sa Dakbayan sa Mandaue.
Kauban sa nagsibilyang mga polis sa Talamban ug mga sakop sa Consolacion Police Station, ang biktima nisugot sa ilang sabot.
Didto sa mall nipakita si Gila nga nagsibilyan apan nailhan dayon kini sa mga polis nga nagbantay sa transaksyon ug didto dali kining gisikop.
Gidisarmahan ug gipaubos dayon sa drug test si Gila diin negatibo ang resulta niini.
Nagduda si Abrugena nga dugay nang nagsige og pangilkil si Gila sa uban apan karon ra nasakpan.
Wala na mopadayon pagpasaka og kasong robbery extortion ang biktima apan gikasohan kini sa PNP og administratiba. (/IBM)(BANAT NEWS)
- Latest
