CEBU, Philippines – Sugod sa Hulyo 2 modawat na ang Commission on Elections (Comelec) og registration sa mga botante alang sa midterm election sa Mayo 13, 2019.
Ang Comelec nipahibalo kini molungtad hangtod Septembre 29, 2018.
"Applications for new registration, transfer/transfer with registration, reactivation, change/ correction of entry and inclusion / reinstatement or records in the list of voters shall be accepted," sumala sa Comelec.
Sa mga gusto moparehistro adto lang sa mga local Comelec offices matag adlaw nga Lunes hangtod Biyernes lakip na holidays sugod alas 8 sa buntag ngadto sa alas 5 sa hapon.
Ang Comelec mopahigayon usab og satellite registration atol sa maong mga bulan diha sa mga barangay, public plaza, eskuylahan ug uban pang pampubliko nga lugar aron nga makarehistro ang mga tawo.
Si Atty. Lionel Marco Castillano ang provincial election supervisor nagkanayon nga sulod lang kini sa tulo ka bulan.
Tungod kay sa Oktubre mao na man ang schedule sa filing sa certificates of candidacies ug kinahanglan pa nila ma-finalize ang voters list aron dayon ini’g ka Disyembre makasugod na sila og printa sa balota alang sa midterm election sunod tuig. (/IBM)(BANAT NEWS)