Capt Mabatid gitangtang sa BOPK
CEBU, Philippines — Gitangtang ni Cebu City Mayor Tomas Osmeña isip miyembro sa Bando Osmeña Pundok Kauswagan (BOPK) ang napiling kapitan sa Barangay Mabolo nga si Niña Mabatid.
Kini giingong tungod sa mga taho nga modagan si Mabatid isip pagka-presidente sa Association of Barangay Council (ABC) sa Cebu City atbang ni Kasambagan Barangay Captain Franklyn Ong.
Matud ni Osmeña nga kadtong interesado nga modagan sa ABC pwede modagan apan gitataw niini nga si Ong gyud ang kandidato sa BOPK sa umaabot nga piniliay sa ABC.
Si Mabatid sa iyang bahin, subling miklaro nga wala pa gihapon siya makadesisyon labot sa pagdagan sa umaabot nga eleksiyon sa ABC.
Gipadayag ni Mabatid nga naguol siya sa desisyon ni Osmeña sa pagtangtang kaniya sa grupo apan iyaha kining gitahod ug giklaro usab niya nga wala siyay plano nga mobalhin sa Barug Team Rama-PDP Laban. (BANAT NEWS)
- Latest
