CEBU, Philippines – Gitataw sa direktor sa Cebu Provincial Police Office, Senior Supt. Manuel Javier Abrugena, nga wala sa affidavit ni Daanbantayan Mayor Vicente Loot nga aduna siyay namay-ungan nga usa ka polis sa mga nirakrak kaniya ug sa iyang pamilya niadtong Mayo 13.
Gitug-an ni Abrugena nga aduna na silay gitan-aw nga persons of interest nga maoy nagpaluyo sa pagpangrakrak.
Naglisud sab sila og tumbok sa hitsura sa mga armadong tawo sanglit lainlain ang paghulagway sa mga testigos kung unsay gitabon sa nawong.
Matud sa direktor nga anaa pa lang sila sa 55 ngadto sa 60 porsyento sa imbestigasyon sa maong kaso.
“Ayaw po naming magmadali just to please yung ating expectators na kailangang mabilisan pero inconclusive na investigation. Mas appropriate na slowly but surely ang investigation,” si Abrugena niingon. (/GMR)(BANAT NEWS)