Imbitasyon para SK dili tinuod
CEBU, Philippines — Gihimakak sa Local Youth Development Office ang matud pa pekeng anunsiyo nga giingong gikan sa Cebu City Youth Office nga nangimbitar sa mga miyembro sa Sangguniang Kabataan alang sa usa ka forum. Si Jess Anthony Dela Cruz, pangulo sa Local Youth Development Office nagkanayon nga ilang nabasa sa social media ang maong panawagan.
“Nakahibaw mi the day before (May 18, nag-post sila nga dili sila ang maong nangimbitar ug wala’y mahitabong forum) Friday murag naay nang text ba ug nang chat sa fb ,” sumala pa ni Dela Cruz sa Banat News. Si Dela Cruz mibutyag nga wala sila masayod kon kinsa ang nag-post sa maong panawagan.
Pinaagi sa balaod, ang Department of Interior and Local Government ra gyud ang awtorisado nga magpadala ug kumunikasyon sa maong butang sumala pa ni Dela Cruz.
“By law,ang DILG ra gyud ang makapatawag og communication regarding gyud ana. Ang mga mandatory trainings sad ang amoang office, Local Youth Development Office is part pud mi sa federation, part mi sa team,” pagklaro pa ni Dela Cruz.
Siya midugang nga kung mopahigayon sila og mga trainings, magagikan gyud kini sa LYDO ug uban pang awtorisadong organisasyon.
“Katu ra gyung sa CIT nga giapilan sa mga SK members. And so far mao ra to. So kung naay mga nisunod nga invitations, I don’t know kung asa or kinsa ‘to gikan,” sigun pa ni Dela Cruz.
Si Dela Cruz nag-ingun nga giteksan na pud nila tanang SK members mahitungod sa isyu ug makuha ang memorandum ug kumpletong impormasyon mahitungod sa mga oriyentasyon sa opisina sa DILG karong Mayo, 21, 2018 gikan sa 8:00 sa buntag hangtud 5:00 sa hapon. - Rena Mae Gocotano CNU Intern (BANAT NEWS)
- Latest
