Natulog sa aseras sa SRP gipusil patay

CEBU, Philippines – Usa ang patay samtang usa ang angol sa managlahing insidente sa pagpamusil sa siyudad sa Sugbo kagahapong adlawa.

Patay ang usa ka lalaking naila lang sa alyas nga ‘Randy’ human kini gipusil sa wala pa mailhing tawo sa aseras nga iyang gikatulgan sa  South Road Property (SRP), barangay San Roque, ning siyudad sa Sugbo.

Base sa report nga nakuha sa kapulisan gikan sa impormanteng si Angelica Jasmin duha ka buto sa pusil ang nadunggan niini ug duna na lay nipahibalo kaniya nga gipusil diay ang ilang higala nga si ‘Randy.’

Ang biktima nakaangkon og samad pinusilan sa iyahang ulo ug abaga.

Dali nga gitabang sa mirespondeng Emergency Medical Services (EMS) ang biktima apan kini nakabsan na sa kinabuhi. (Pegeen Maisie M. Sararaña/IBM)(BANAT NEWS)