Mga problema mitumaw sa piniliay
Romeo Limpangog, Rowena Capistrano, Le Phyllis Antojado (Banat) - May 15, 2018 - 12:00am

CEBU, Philippines — Daghang mga ginagmay nga problemang nasinati ang mga botante atol sa pagbukas sa eleksyon sa Barangay ug SK Elections kagahapon.

Adunay mga nireklamong mga kabataan kay wa makabotar tungod kay wala silay registered biometrics.

Aduna say mga senior citizens ug persons with disabilities nga naglisod pagsaka sa mga assigned rooms kung asa sila mobotar kay naa sa ibabaw nga bahin sa mga buildings.Aduna say naglibog kon asa sila mopadulong.

Adunay pipila ka mga parokya ang nagbutang og voters assistance center sama sa Our Lady of Lourdes Parish nga gipangulohan ni Fr. Randy Figuracion aron sa pagtabang sa mga botante pagdumdom sa ilang mga presinto.

Sa City Central school adunay mga tigulang nga naka- wheelchair ug gidayongan sa mga watchers o volunteers pasaka aron makabotar.

Sa Tisa II Elementary School sa barangay Tisa ang gibuhat sa eskuylahan,  mismo ang electoral board maoy nanaog aron pabotaron ang mga senior citizen ug PWDs nga dili na kasaka.

Si Atty. Veronico Petalcorin acting regional director Comelec Central Visayas kagahapon miingon nga nipagawas og resolution ang Comelec en banc nga nagsaysay nga kon ang mga PWDs o senior citizen dili kasaka sa ilang polling place ang electoral board inubanan sa watchers ang mokanaog aron makabotar ang botante.

Si Petalcorin niawhag sa mga botante nga PWDs ug senior citizen nga kinahanglan i-update ang ilang mga registration o mopahibalo sa Comelec sa ilang kondisyon aron adunay adjustment nga mahimo sa kon asa sila ma-assign nga polling place atol sa sunod  nga piniliay.

Samtang didto sa Mandaue City, adunay mga reklamo nga nawagtang sa listahan sa mga botante ang pangalan apan nabalhin ra diay og presinto.

Sa Barangay Tingob may nahitabong gamay nga kasikas tungod kay wala sa lista sa pilianan ang pangalan sa ilang kandidato ug didto gipaabot sa Presinto 4 ang ilang reklamo ug pagkahuman namauli sila sa ilaha. - /IBM (BANAT NEWS)

SK ELECTIONS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with