Mga lider sa akbayan nagtapok sa sugbo
(Banat) - April 17, 2018 - 12:00am

CEBU, Philippines — Gipahigayon ang ika-pitong regular Congress ug ang pagsaulog sa ika-20 nga anibersaryo sa Akbayan Partylist sa Social Hall, Capitol Building kagahapon.

Gisugdan ang kalihukan sa alas 9 sa buntag ug kini gisalmutan sa nagkadaiyang lider sa Akbayan Partylist sama ni Senador Risa Hontiveros, Liberal Party Senador Benigno Paolo “Bam” Aquino IV, Magdalo Partylist Congressman Gari Alejano, Cong. Erin Tañada ug Cebu City Mayor Tomas Osmeña.

Si Cebu Governor Hilario Davide III ang nihatag sa welcome remarks ug gisundan sa mensahe ni Hontiveros.

Matud ni Hontiveros nga sa duha ka dekada na sa Akbayan Partylist, padayon ang ilang paghatag og serbisyo sa katawhan ug pagpa-uswag sa mga progresibong balaud sa lehislatura.

"The party must capture the imagination of the public," sigon pa ni Hontiveros.

Si Bise-Presidente Leni Robredo nipadangat sa iyang mensahe pinaagi sa iyang legal adviser ug kanhi Akbayan Cong. Barry Gutierrez.

Sigun ni Gutierrez nga wala nakatambong si Robredo mahitungod sa conflict sa iyang schedule.

"Ang Akbayan ang isa sa pinakaunang nagtiwala at naniwala nung ako ay tumakbo bilang bise presidente," matud ni Robredo

Nihangop sab sa maong selebrasyon ang mga delegado gikan sa Luzon, Visayas, ug Mindanao.

Nitambong sab ang mga international guests gikan sa mga nagkalain-lain organisasyon lakip na niini ang mga delegado sa Australia, Myanmar, Denmark, Indonesia, Malaysia, Mongolia, Nepal ug Sweden nga nipadangat sab sa ilang solidarity message. (Caren Abing ug Myca Mae Gabato, CNU Interns/GMR)

Pagpa-deport sa militanteng langyaw gikondenar

Gikondenar ni Senador Risa Hontiveros ang pagpa-deport sa usa ka Italyano nga si Giacomo Filibeck nga mamulong unta sa Akbayan Congress sa Sugbo kagahapon.

Si Filibeck ang deputy secretary-general sa Party of the European Socialist (PES).

Ang mga internasyonal nga kaalyado sa Akbayan gikan sa Progressive Alliance ug PES mipakita og suporta pinaagi sa pagtambong sa kalihukan nga gipahigayun sa Cebu Provincial Capitol Social Hall.

Giingong hinungdan sa iyang pagka-deport mao ang iyang pagkalambigit sa “illegal political activities”.

Matud ni Hontiveros nga dili makatarunganon ang pagpa-deport.

 Ang Akbayan Partylist sa Kongreso moduso og resolusyon aron ipaimbestigar ang insidente. - Mary Rose S. Sagarino ug Niña Mae P. Salvacion, CNU Interns (BANAT NEWS)

CONGRESS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with