CEBU, Philippines — Nagabot-abot sa buhatan sa Comelec sa Cebu City ang mga kandidato sa umaabot nga piniliay para moduso sa ilang kandidatura kagahapong adlawa.
Sa North District, miduso sa ilang kandidatura ang 102 ka mga kandidato diin pito sa kapitan, 44 sa pagka-konsehal , unom sa SK chairperson ug 45 sa SK member.
Samtang sa South District, miabot 59 ka mga kandidato ang niduso og COC diin 36 niini ang sa SB ug 23 sa SK. Sulod sa tulo ka adlaw nga filing of COCs aduna nay 307 ka kandidato sa Cebu City.
Niadtong adlaw nga Domingo, nagmingaw ang mga buhatan sa Comelec tungod kay wala kaayo’y nakahibalo nga abli sa maong adlaw ang maong buhatan.
Samtang giangkon ni Atty. Lionel Marco Castillano, provincial election supervisor nga maglisod sila pagtumbok kon kinsa ang mga nuisance candidates kon way pormal nga moreklamo.
“Dili ingon nga kana siya pobre man na nganong ato man na palansaron? Kung daghan diay na og paryente?” matud ni Castillano. - Jhan Nysse Capus, CNU Intern (BANAT NEWS)