CEBU, Philippines — Patay na nga nahidangat sa Danao Provincial Hospital ang 9-anyos nga batang lalake nga nalumos samtang naligo sa Socorro Beach Resort nga nahimutang sa Barangay Sabang, Dakbayan sa Danao.
Si Police Officer One Dante Reipan sa Danao City Police Station miila sa namatay nga mao si Jaylo Canama Cabornay, taga Sitio Anakma, Barangay Pagsabungan, Dakbayan sa Mandaue.
Matud pa ni PO1 Reipan nga ang inahan sa namatay nga si Lourdes Canama Cabornay maoy nagtaho sa ilang buhatan labot sa gidangatan sa iyang anak nga naligo sa maong lugar nga ilang namatikdan nga kalit lang nga nawagtang nga naligo sa swimming pool. (BANAT NEWS)