Patay nasangit sa bungsod
CEBU, Philippines — Napalgan patay sulod sa punot o bungsod ang 53-anyos nga lalaki sa Malbago, Lungsod sa Madridejos niadtong Huwebes sa buntag.
Ang biktima giila sa Madridejos Police Station nga si Edgardo Santillan kinsa residente sa maong dapit. Sigun pa ni PO3 Godofredo Olingay nga napalgan sa tag-iya sa maong punot ang biktima nga wala nay kinabuhi.
Dihang gidala sa tambalan ang biktima, ang doktor nga si Dr. Elma Chin nideklarar nga pagkalumos ang hinungdan sa kamatayon niini.
“No signs of foul play man ingon ang doctor,” matud ni Olingay.
Gisusi pa kung nganong naabot sa dagat ang biktima. (GMR) (BANAT NEWS)
- Latest