P4.3M incentives gipanghatag sa Kapitolyo
CEBU, Philippines — Dul-an 2, 400 ka mga trabahante sa lungsod sa Dalaguete, Argao ug Cordova ang nakadawat og cash incentives nga moabot ngadto sa P4.3 milyones gikan sa probinsya sa Sugbo.
Ang mga kawani sa barangay sama sa tanod, health workers, Barangay Nutrition Scholars, Daycare Workers, Barangay Animal Health Aides ug Lupon Tagapamayapa nakadawat og tag P1,500 ug P2,400 nga insentibo. Sa report sa Provincial government website si bokal Jose Mari “Tata” Salvador kinsa maoy representante sa probinsya sa pagapud-apod sa maong incentives nagpasalamat sa mga kawani sa barangay sa ilang serbisyo isip mga frontliners.
“Kamo gyud ang pirmirong moatubang sa mga tawo sa ilang mga kinahanglan, nagpasalamat mi tanan sa inyong mga maayong buhat,” matud ni Salvador. Samtang si Mayor Stanley Caminero sa lungsod sa Argao, miila sa ka importante sa trabaho sa mga kawani sa barangay hilabina sa paghatag sa health services.
“Mga BHW ug BNS kay gina-suportaran gyud namo. Duol baya sa kasing-kasing ang BHW sa doktor,” matud ni Caminer. (IBM) (BANAT NEWS)
- Latest