Safety sa construction sites hugot nga ipatuman

CEBU, Philippines — Giawhag sa Provincial Board sa Sugbo ang Department of Public Works and Highways sa pagpatuman sa istriktong pagpatuman sa safety guidelines sa mga trabahante sa construction industry.

Kini subay sa Department Order No.56 sa DPWH aron pagseguro nga luwas ang mga trabahante sa bisan asa nga construction worksite.

Sa niaging semana adunay namatay human nahulog sa lungag sa may national highway sa Bulacao, siyudad sa Talisay nga kabahin sa P47 milyones nga drainage project sa DPWH.

Matud ni Bokal Thadeo Jovito M. Ouano nga nangamahan sa resolusyon nga nalikayan unta ang maong aksidente kung istrikto pa nga gipatuman ang safety guidelines.

Dugang ni Ouano nga dili lang kutob sa personal protective equipment, safety personnel, construction safety signages, ug construction safety training ang ipatuman. (BANAT NEWS)

Show comments