Kanhi kawani sa Liloan gipamulta sa Ombudsman
The Freeman (Banat) - December 22, 2017 - 4:00pm

CEBU, Philippines — Pabayron sa buhatan sa Ombudsman sibo sa usa ka buwan niya nga sweldo ang kanhi administrative aide sa Lungsod sa Liloan.

Si Jan Carlo Cañete nakitang sad-an sa kasong simple neglect of duty gumikan sa unliquidated cash advances balor og P44,940 sulod sa kapin pito na ka tuig.

Matud ni Graft Investigation and Prosecution Officer III Portia Pacquiao nga suspendido unta si Cañete og usa ka buwan ug usa ka adlaw apan gumikan kay wala na kini sa pwesto maong pamultahon na lang kini.

Mahimong adto kuhaon ang multa sa mga dawatonon ni Cañete sama sa retirement benefits, accrued leave credits ug uban pa.

Tuig 2016 gipasaka ang kasong misconduct and neglect of duty batok kang Cañete gumikan sa kapakyas sa pag-liquidate sa iyang cash advances sa nahisgutang kantidad.

Ang Section 5.1.3 sa Commission on Audit Circular 97-002 o ang Rules and Regulations on the Granting, Utilization and Liquidation of Cash Advances nagmando nga ang cash advances sa mga official local travel expenses kinahanglang i-liquidate sulod sa 30 ka adlaw sa pagbalik sa opisina.

Matud ni Pacquiao nga Nobiyembre 8, 2016 gimanduan si Cañete sa pagduso sa iyang counter-affidavit apan kini napakyas.

Apan sa iyang position paper, gipasabot ni Cañete nga nakaduso na siya sa tanang liquidation papers apan giingong wala kini naabot sa hingtungdang buhatan.

Kini ang hinungdan nga iyang gihangyo ang Municipal Accountant nga kuhaon sa iyang terminal ug separation pay ang iyang unliquidated cash advances.

Nagtuo siya nga na-settle na ang tanan apan dako niyang katingala nga nakadawat siya og kopya sa reklamo. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with