CEBU, Philippines — Si Cebu City Mayor Tomas Osmeña mipadayag nga andam siyang manubag kon adunay mahitabo sa mga tinun-an sa siyudad sa Sugbo tungod kay nagklase kini bisan dunay bagyo.
“First and foremost, I will hold myself responsible if ever anything happens to any of our students, I will not shy away from that,” matud pa sa mayor.
Matud niya dili siya mosuspenso sa klase matag may bagyo kay makaapektar kini sa edukasyon sa mga tinun-an. “But you know, education is important and we’re not better off if you tell the 250,000 students, don’t go to school tomorrow because there is a landslide in Sirao, it doesn’t make sense,” sigon sa mayor.
Hinuon gihatagan niya og katungod ang mga principal pagdeklarar nga way klase kon mabutang gyud sa peligro ilang mga tinun-an.
Sama kang Osmeña wala usab suspensoha ni Lapu-Lapu City Mayor Paz Radaza ang klase kay matud niya walay sapa nga labangon ang mga tinun-an sa dakbayan. Wala usab silay bukid nga kuyaw modahili sa pagpunay og bunok sa kusog nga ulan.
Si Dr. Marilyn Andales nga maoy Department of Education (DepEd) division school superintendent mipahimangno hinuon sa mga tinun-an sa pagdala og payong ug mga kapote aron proteksyon nila sa uwan. (BANAT NEWS)