Osmeña dili gustong ma-ekslusibo lang sa Grab

CEBU, Philippines — Wala madayon ang pinirmahay sa Memorandum of Understanding tali ni Cebu City Mayor Tomas Osmeña ug Brian Cu Country Head Grab-Philippines tungod kay wala una mopirma ang mayor kay duna kini gustong ipaklaro.

Gusto ipaklaro ang word nga ‘exclusivity’ nga nakabutang sa MOU gumikan kay ang siyudad ni-experiment man usab sa Angkas ug Uber.

Sigon ni Arnel Tancinco sa peace and order program ilaha kining gipa-redraft tungod kay dili mahimong papirmahon og balik ang mayor kay aprubado kini sa Konseho sa siyudad. Bisan unsa nga correction ug amendment nga naaprubahan sa council kinahanglang i-resubmit sa konseho.

“Ang concern ra man gud namo, mura ba ang point ni Mayor nga mabalik na pud ba mao ‘to amo gilalisan diri nga kinahanglan gyud ibalik sa council because one word or kining any changes man gud kinahanglan whether significant or minor or not significant or that much kinahanglan gyud ibalik sa council for ratification unya dili naman gusto si Tommy og hasol ba so before mi ni-leave naglalis mi niduol siya make it MOU na lang kay its not binding man ang MOU so you don’t have to go the council anymore,” asoy ni Tancinco.

Kahinumduman nga mao kini ang plano sa siyudad nga ang mga authorized employees sa City Treasurer’s Office mo-book sa ilang official trip gamit ang Grab Application diin ang CTO maoy mo-identify sa mga authorized employees ug ang City Government maoy mohatag sa lista sa mobile numbers sa mga empleyado ngadto sa Grab.

“Ang akong slogan sa akong administration ‘Tomorrow must be better than Today’ so to do that we have to experiment, we have to innovate and we have to have changes, we cannot be more of the same then there will be no improvement you just have to try,” sigon ni Cebu City Mayor Tomas Osmeña. Si Cu nagpasalamat tungod kay gipili sa siyudad ang Grab alang sa maong katuyuan.

“What I really love about working with the Mayor and the Cebu City Government is the whole start up mindset where you experiment, you’re not afraid to start out new things, if you fail you reiterate and then you and improve so that kind of mindset is not shared by a lot of the other companies or LGUs we’ve spoken to,” sigon ni Cu. Samtang kagahapon usab gihatag sa kadagkuan sa Grab ang financial assistance alang sa pamilya ni Dominggo Navarro Jr., Grab driver nga namatay niadtong buwan sa Agosto samtang nag-drive og Grab.

Mihatag ang Grab og P500,000 nga hinabang pinansiyal tungod kay sila nagtuo nga kabahin sa ilang responsibilidad ang mga drivers ug angayan nga atimanon.

Ang asawa ni Domingo nga si Annabelee mapasalamaton sa tabang nga gihatag sa Grab nga wala nila damha. (BANAT NEWS)