CEBU, Philippines — Pormalidad na lang pinaagi sa pagpanumpa ang kinahanglan ni Dumanjug acting Mayor Rene Asentista aron mahimong mayor sa lungsod.
Kini kung hingpit na nga ma-serve sa Department of Interior and Local Government ang dismissal order batok sa nasuspensong mayor nga si Efren “Gungun” Gica.
Matud ni DILG Provincial Director Jerome Gonzales nga wala nay limitasyon sa iyang trabaho si Asentista gumikan kay nilapas na og 30 ka adlaw nga wala si Gica. Wala pa hinoon madawat ni Gonzalez ang dismissal order batok ni Gica.
Tungod kay kasamtangang gisuspenso si Gica, ang dismissal order adto ihatud sa iyang panimalaye o sa buhatan sa iyang abogado.
Dungan nga i-serve ang notice to assume ngadto kang Asentista bisan dili na kinahanglan sanglit automatic man kini nga mo-assume.
Apan aron adunay pormalida, kinahanglan siya manumpa atubangan sa huwes o gobernador o si bisan kinsa nga gitugot sa balaud nga makapapanumpa. (BANAT NEWS)