CEBU, Philippines — Nisiaw karong buwana ang pagpanulis sa Dakbayan sa Talisay sa mga tulisan nga magsakay og motorsiklo.
Gibana-bana nga moabot na sa dili mominus 10 ka pagpanulis ang nahitabo sa nagkalain-laing barangay karon lang buwana.
Ang labing uwahing biktima mao ang asawa og abroad nga si Janette Sabanal, hingkod, nagpuyo sa St. Jude Acres, Bulacao.
Si PO1 John Xyrus Ilustrisimo sa Talisay City Police Station nibutyag nga naglakaw ang biktima uban sa iyang pag-umangkon diin gihunongan sa duha ka lalaking nagmotorsiklo dayon labni sa iyang bag nga adunay sulod nga laptop, P8 mil nga kwarta ingon man mga cards.
Matud ni Ilustrisimo nga nigara gyud karong panahona ang tulisan nga magsakay og motorsiklo.
Asoy pa niya nga ang modus sa mga kriminal mao ang pagpanglabni ug kung mosukol ang biktima hayan ilang bunotan og armas. (BANAT NEWS)