Palma: marawi iampo gihapon

CEBU, Philippines — Gihangop ni Arsobispo Jose Palma ang pag-undang na sa giyera sa Marawi City.

Matud ni Palma nga ang tanan nangandoy nga maundang ang giyera tungod kay wala kini kaayuhan nga dala gawas sa daghang nangamatay ug nangaguba nga kabtangan.

Sumala pa ni Palma nga dako ang iyang pasalamat kung sa kinatibuk-an hingpit na gyud ang kalinaw sa Marawi ug tutukan na usab karon ang pagpabarug pagbalik niini.

Dugang ni Palma nga mapasalamaton siya sa daghang tawo nga nipaambit sa ilang mga abot alang sa pagpabarug pagbalik sa Marawi bisan og molanat pa kini og igong panahon basta matambalan lang ang samad nga namugna sa gubat, kalagot ug ang nagdala og kasakit sa katawhan.

Awhag ni Palma nga ipadayon gihapon ang pag-ampo alang sa tanang katawhan sa Marawi. -/GMR (BANAT NEWS)

 

 

Show comments