Kontribusyon ni Vidal sa nasud gustong suklian sa Senado

CEBU, Philippines —  Usa sa mga suod nga higala ni Archbishop Emeritus Ricardo Cardinal Vidal, Senator Vicente "Tito" Sotto III nagtinguha nga mohimo og resolution atol sa ila unyang pagbalik og sesyon sa Senado karon Nobiyembre 13 ang pagpaabot sa ilang kasubo ug paghatag og pasidungog sa cardinal.

Matud pa ni Sotto, mohatag sila og posthumous recognition kang Vidal tungod sa dako niining kontribusyon dili lang sa Simbahan kondili sa tibuok nasud.

Si Sotto, usa sa mga personalidad nga nibisita sa Cebu Metropolitan Cathedral niadtong Biyernes sa gabii aron paghatag sa iyang katapusan nga pagyukbo ug nitambong usab siya sa misa requiem sa cardinal.

Sumala pa ni Sotto, si Vidal ang nahimong instrumento sa pagpabarug nila sa Rehabilitation Center for the Youth sa Argao sa dugay nang panahon. Gitug-an usab ni Sotto, usa ka maayong tigtambag si Vidal ilabi na panahon nga gi-proposed ang Reproductive Health Law.

"A big loss to the country for his love and inspiration has moved many, including me and and my family,” pagangkon pa ni Sotto.

Si Archbishop Jose Palma sa iyang bahin, bisan kinsa nga gustong mopasidungog sa nitaliwan nga cardinal bukas nila kining hangpon. (BANAT NEWS)