CEBU, Philippines — Motorista naligsan-patay sa prime mover sa may dalan A.C. Cortes, Brgy. Looc, Mandaue City atol sa kusog nga pagbunok sa ulan niadtong Biyernes sa hapon. Giila ni PO3 Rosendo Ortalla ang traffic field investigator sa Mandaue City Police Office ang biktima nga si Alfredo Navarro taga Sitio Calubihan, Brgy. Pardo, Cebu City. Giingong gikan sa Siyudad sa Lapu-Lapu ang biktima nga nagmaneho sa iyang motorsiklo dihang pag-abot sa lugar nga nahitaboan, kalit lang gidombol sa prime mover nga gimaneho ni Pedro Camingue taga Sitio Pokang, Brgy. Looc. Giingong napasok ang biktima sa ilawom sa prime mover nga maoy nakaingon sa iyang kamatayon. Nitahan sa iyang kaugalingon ang nakadasmag nga drayber ug gikatakdang pasakaan og kasong reckless imprudence resulting to homicide. - /DILT) (BANAT NEWS)