Paggamit sa parking lot sa BPO gikasuko ni Osmeña
CEBU, Philippines — Gibutyag ni Cebu City Mayor Tomas Osmeña nga dunay duha ka building sa Cebu I.T Park nga gigamit isip extension sa ilang operasyon sa business process outsourcing ang ilang parking area.
Si Osmeña mipasidaan sa mga BPO operators ug bisan ang ubang commercial establishments nga iyaha gyung pasirad-an kun lahi ang gigamitan sa ilang mga parking lot.
Matud sa mayor pangitaon gyud ug iyang papanubagon ang tag-iya sa building ug dili ang call center operators kay inosente sila.
Gitrabaho na sab sa siyudad ang pagpadala og suwat sa maong mga buildings nga nahibaw-an niya nga ang parking lots gigamit isip call center.
Sigon usab ni Osmeña iya pang hunahunaon kun mohatag og konsiderasyon ang siyudad kun ibalik nila ang ilang parking lots kay nagtuo siya nga dunay malisya dihang ilaha kining gibuhat.
“We will first analyze because to me, there’s a big chance that there was malice when they did it. How come you not know it’s supposed to be a parking lot.
It’s your own building. Parking lot is a parking lot. Why is it now a call center? You can’t take a position that once you restore it, ok na because you’re creating a situation everybody will violate. Anyway when they caught, they will just restore,” sigon ni Osmeña.
Nahibaw-an sa mayor ang maong modus human adunay mipadala kaniya og text message bahin sa maong duha ka buildings. (BANAT NEWS)
- Latest
