CEBU, Philippines — Andam na ang Department of Health-7 alang sa ASEAN Summit sunod semana sa Panglao, Bohol.
Matud ni Dr. Shelbay Blanco, hepe sa Regional Epidemiology and Surveillance Unit, nga bisan nakig-alayon pa sila karon sa ubang rehiyon nga motabang sa ubang kakuwangan sama sa ambulansiya, syento porsyento gihapon sila nga andam.
Karon Domingo magsugod na ang Code White hangtud sa petsa 24 sa Septiyembre ug ang deployment sa team karong Lunes. Sumala pa ni Blanco nga kung dili sila kaabot sa 20 ka teams, mopahigayon na lang sila og rotation aron maoy mobantay sa kahimtang sa panglawas sa mga delegado ug uban pa.
Gipaabot nga karong adlawa masayran sa DOH-7 kung pila ang nikonpirmar sa ilang gipatabang nga rehiyon. (BANAT NEWS)