Talisaynon giawhag sa CDRRMO nga magmabinantayon
Gabriel Bonjoc (Banat) - September 12, 2017 - 4:00pm

CEBU, Philippines — Ang pangulo sa City Disaster Risk Reduction and Management Office (CDRRMO) sa dakbayan sa Talisay mirekomendar sa mga residente sa siyudad nga putlan na nila  sa mga sanga ang mga punoan sa kahoy nga naa sa ilang tugkaran.

Tumong niini nga walay mahitabong disgrasya atol sa bundak sa kusog nga uwan ug huros sa hangin nga maoy hinungdan unya sa pagkabali sa sanga sa punoan sa kahoy.

Si Alvin Santillana nagkanayon nga base sa report sa Philippine Atmospheric Geophysical Astronomical Services Administration (PAGASA) nga posibleng molanat hangtud karong Biyernes ang pag-uwan hinungdan nga nag-alerto usab sila.

Ang katawhan gipahimangnoan usab nga magmabinantayon sa ilang kaugalingon ug sa ilang pamilya. Gibutyag ni Santillana nga niadtong Domingo gipalibot niya ang iyang mga sakop ug nasuta nga aduna gyu’y mga lugar nga dali kaayong bahaon.

Giingong dunay mga kanal sa lugar sa siyudad nga dili na makasapopo sa gidaghanon sa tubig ug sa mga basura nga nakasampong hinungdan sa pagbaha.

 Si Santillana mipasidaan usab sa mga residente nga nagpuyo kilid sa sapa nga mobakwit dayon kun mosaka na ang tubig ug dili na kini maghuwat pa og abiso. (BANAT NEWS)

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with