CEBU, Philippines - Nagkadaghang basura ang makita na sa kadagatan sa Siyudad sa Talisay.
Kini maoy nabantayan ni Konsehal Antonio Bacaltos Jr., chairman sa committee on environment sa konseho sa dakbayan.
Matud ni Bacaltos nga duna silay ordinansa nga dakpon ang tawo nga maglabay sa basura sa dagat.
Nunot niini buot ni Bacaltos nga patas-an ang multa o silot sa mga masakpan aron matagam.
Gawas sa mga yanong indibidwal, iyang gisusi karon ang mga dagkong kompaniya nga pataka lang sab og labay sa ilang hugaw. - /GMR) (BANAT NEWS)