CEBU, Philippines - Dili magpanuko si Cebu City Mayor Tomas Osmeña sa pagtaktak sa trabaho sa mga traffic enforcers nga magbinuang sama sa pagpangilkil.
Matud sa mayor nga wala nay ikaduhang higayon nga ihatag niadtong masakpan nga mangilkil.
Daghan na nga reklamong nadawat ang mayor apan walay mga ngalan hinungdan nga dili kini maimbestigar hinungdan nga kini niawhag sa publiko nga kuhaon ang kompletong detalye aron gyud mahatagan og aksiyon.
Gipasabot sa mayor nga bisan pa man og iyang tawo o kaha naa sa pikas grupo wala siyay pilion kun makalapas sa balaud.
Gitataw usab niini nga ang warning dili lang alang sa mga traffic enforcers apan alang usab kini sa mga sakop sa Task Force Alpha. (BANAT NEWS)