CEBU, Philippines - Dakong laraw ni Talisay City Mayor Eduardo Gullas nga mougmad og reclamation project nga mosumpay sa samang proyeto sa Lungsod sa Minglanilla.
Ang reclamation project sa Minglanilla wala pa masugdi tungod kay gipaabot pa nila nga makuha ang Environmental Compliance Certificate.
Matud ni Gullas nga kun matuman ang iyang pangandoy nga proyekto iyang iseguro nga magpabilin ang baybayon ug aduna’y kaagian ang mga mananagat nga mohimo sa ilang inadlaw nga panginabuhian.
Sa pasiunang plano sa mayor, sugdan ang reclamation project sa Barangay San Roque.
Iyang nakita nga kun matuman kini hayan daghan pa nga mga proyekto nga naa sa iyang hunahuna nga maoy makapalambo sa dakbayan. “Duna tay mga umaabot nga projects that will move Talisay forward,” nagkanayon si Gullas. - /GMR) (BANAT NEWS)