Parehong minyo nagtipon
Le Phyllis F. Antojado (Banat) - May 8, 2017 - 12:00am

CEBU, Philippines - Duha ka empleyado sa Kapitolyo gireklamo sa Ombudsman kay pareho sila nga mga minyo apan aduna sila’y relasyon ug nagtipon sa pagpuyo. Upat ka kaso ang gipasaka sa wa magpaila nga reklamante batok sa lalaki ug babaye nga empleyado sa Kapitolyo.

Ang ngalan sa duha ka kawani gipugngan lang sa Banat News apan base sa reklamo kanila sa Ombudsman nga nakabaton na sila og duha ka anak sa ilang panagtipon. Upat ka lainlaing mga kaso, apil na ang “disgraceful and immoral conduct” ang gipasaka sa maong mga kawani.

Matud pa nga sa Statements of Assets, Liabilities and Networth (SALN) sa tuig 2016, ang babayeng empleyado migamit sa apelyido sa iyang bana apan wala niini gibutang sa SALN ang ngalan sa iyang bana, wala say apelyido ang ngalan sa iyang mga anak.

Sa bahin usab sa lalaking empleyado, sumala sa mireklamo nga base sa personal data niini sa lalaki, minyo kini apan sa SALN sa lalaki wala usab gibutang ang pangalan sa iyang asawa.

Gipugngan usa ang pangalan sa mga gireklamo sanglit ang Ombudsman mopatubag pa kanila aron ipahigayon ang imbestigasyon ug pamatud-an ang giingon nga nahimo nilang kalapasan sa balaod. (BANAT NEWS)

KAPITOLYO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with