Palma ug Esgana nag-estorya

CEBU, Philippines - Nakigkita si Santa Fe Mayor Jose Esgana kang Cebu Archbishop Jose Palma diin adunay gihimong close-door dialogue sa balay sa arsobispo kabahin sa kontrobersyal nga Isla Music and Food Festival nga himuon karong Semana Santa sa ilang lungsod apan gibabagan sa kura paroko ug sa pipila ka mga residente.

Si Esgana ug si Padre Roy Bucag dayag kaayong nagkasungiay tungod niini.

“Ako nalipay kay his visit made me see the picture on the context of in terms of politics ug ang background sa town didto,” matud pang Palma.

Sumala pa ni Palma, iyang gipasabot si Esgana nga gusto pud niyang mamentinar ang kasolemni sa Bantayan sa Semana Santa nga maoy gibalik-balikan pirme sa mga turista didto.

Matud pang Palma, si Esgana mipasabot nga nag-amping gyud kini paghatag og permits sa mga kalihokan sa lungsod aron magpabilin ang naandan nilang mga relihiyosong kalihokan.

Gitambagan hinuon ni Palma si Esgana nga mag-estorya silang Bucag bahin niini. - /EIM) (BANAT NEWS)

Show comments