_banat
^

Banat Balita

Tawo ni Sabalones nakasibat

Banat

CEBU, Philippines - Naka-eskapo gikan sa Regional Special Operations Group-7 ang gikatahong usa sa mga sakop sa drug lord nga si Franz Sabalones atol sa anti-drug operation sa Tabunok, Dakbayan sa Talisay niadtong nakalabay nga gabii.

Target sa operasyon si Manolito Censil, hingkod, nagpuyo sa maong dapit, kinsang grupo gikatahong responsable sa mga pagpatay sa mga suspetsadong drug pushers sa dakbayan.

Bitbit sa kapolisan ang search warrant nga giisyu ni Judge Wilfredo Navarro apan pag-abot sa mga polis nakasibat na si Censil.

Sulod sa balay nakuha sa mga polis ang duha ka medium packs sa gituohang shabu sa wala pa masayri nga kantidad lakip na ang usa ka .45 caliber pistol, usa ka .22 revolver, usa ka granada, bonnets ug camouflage nga pantalon.

Samtang sa laing operasyon, lima ka tawo ang nadakpan sa mga sakop sa Philippine Drug Enforcement Agency -7 sa gituohang drug den nga gironda sa Sampaguita Street, Villagonzalo III, Tejero, Dakbayan sa Sugbo pasado alas 6 sa nakalabay nga gabii.

Nadakpan ang gitudlo nga drug maintainer nga si Michael Engana, 31, ug sila si Marivic Pumar, 46; Dennis Gonzaga, 36; Roberto Vidal, 35, ug Rosario Rivera, 25.

Nasakmit sa taga PDEA-7 ang 60.36 gramos nga gituohang shabu nga kantidad og P220, 500.

Samtang duha ka lalaki ang nasikop sa buy-bust sa kapolisan sa Sitio Kalipay, Opao, Dakbayan sa Mandaue. Ang nasikop mao si Alfredo Boldario, 51, ulitawo ug maoy subject sa operasyon, lakip usab si Erwin Amancio, 44, taga Purok Lemonsito, Umapad, sa maong dakbayan.

Nakuha gikan kang Boldario ang tulo ka putos sa drugas samtang apil sa nasikop si Amancio kay nakadungan kini sa polis decoy nga nipalit usab og drugas. Sa laing bahin, ang usa ka lalaki nga gialarma nga kadudahan og lihok sa Sitio Kawayan, Looc, Dakbayan sa Mandaue.

Ang nasikop naila nga si Ginel Genoralaga, 28, residente sa maong lugar, ug nakuhaan kini og kutsilyo lakip ang usa ka gamay nga pakete sa shabu ug kagamitan sa pagsuyop niini. Jojo C. Ugdol ug Rowena D. Capistrano (BANAT NEWS)

FRANZ SABALONES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with