Romanians mopiyansa sa kaso

CEBU, Philippines - Gipaabot nga mopiyansa ang tulo ka Romanian nationals nga nalambigit sa skimming sa automated teller machines (atm) sa Land Bank of the Philippines sa Banilad Branch niini.

Ang abogado sa tulo nga si Christopher Ruiz miingon nga mihangyo sila og preliminary investigation ug dili mo-file og counter-affidavit kay ilang atubangon sa korte ang kaso.

Ang mga gikasohan  sa NBI mao sila si Ionut Alexandru Mitrache, Ion Costel ug Razvan Aurelian Stancu, tungod sa paglapas  sa RA 8484 o Access-device Regulations Act ug ingon man theft in relation to RA 10175 o Cyber-crime Prevention Act.

Sila gipaubos sa inquest proceeding sa sala ni City Deputy Prosecutor Maria Theresa Casiño.

Si Florante Gaoiran ang agent on case sa NBI nagkanayon nga ilang irekomendar sa Bureau of Immigration nga maapil ang tulo sa watch list. Si Bokal Thaddeo Jovito Ouano  sa Hunta Probinsyal nagkanayon nga niining ulahi lang 50 ka law enforcers ug mga kawani sa gobiyerno ang nabiktima sa ATM skimming diha gihapon sa LBP Banilad Branch.

Si Manny Infante, Vice President for Eastern and Central Visayas sa LBP mibutyag nga duha ka skimming devices ang ilang nakuha gikan sa card reader sa makina ug pinpad ang ilang nadiskubrehan. Le Phyllis F. Antojado ug  Brenda D. Batuto (BANAT NEWS)