18 barangays sa siyudad isumbong sa PDEA
Jojo C. Ugdol (Banat) - March 15, 2017 - 12:00am

CEBU, Philippines - Kasong administratiba ang atubangon sa mga opisyal sa barangay sa Dakbayan sa Sugbo nga pakyas sa paghatag sa lista sa mga drug personalities sa ilang lugar sa buhatan sa Philippine Drug Enforcement Agency-7.

Si PDEA-7 Director Filemon Yogi Ruiz nipahibawo nga ang tagal kutob na lang karong adlawa.

Usa sa tumong niini mao nga makahimo og plano ang PDEA-7 sa mga dapit nga dunay angayan hatagan og prayoridad sa problema sa drugas ug kini gumikan sab kay hangtud karon wala pa nakadeklarar ang dakbayan bisan usa ka barangay nga matawag nga “drug free”.

“Ang atong request gyud, mo-submit sila before the deadline kay ang atong priority gitagaan og punching karon kay ang Cebu City kay due to atoang nakita ang situation kay 80 ka barangays wala pa na-declared as drug-free,” matud ni Ruiz.

Sa lista sa PDEA-7, 62 pa lang ka barangay sa dakbayan ang nakahatag sa lista sa mga drug personalities sa ilang dapit ug 18 pa ang wala.

“Kay di man ta ka plano kung asa ta mo-focus kung wala pa tay klaro na picture kung asa ang mga targets nato.

Once makompleto nato ang lista, mahimoan og drug mapping asa ning mga drug personalities, makahimo na ta og strategy para paggukod aning mga tawhana,” matud ni Ruiz.

Kung mapakyas ang 18 ka barangay sa pagtuman sa gipangayo nga lista sa PDEA-7, si Ruiz niingon nga plano niya nga iyang iduso  sa Department of Interior and Local Government-7 ang pangan sa maong mga barangay ug iyang irekomendar ang kasong administratiba batok sa mga opisyal. (BANAT NEWS)  

PDEA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with