3 ka sunog nidanyos og P270 million
Rowena D. Capistrano (Banat) - November 29, 2016 - 12:00am

CEBU, Philippines - Duha ka sunog ang nahitabo kagahapong adlawa sa dakbayan sa Sugbo samtang usa sa dakbayan sa Mandaue niadtong Domingo diin sa kinatibuk-an nidanyos kini og dul-an P300 mil.

Kagahapon sa hapon, 20 ka panimalay ang hingpit nga  naugdaw sa Ponce 1, Barangay Carreta, Dakbayan sa Sugbo nga gituohang nagsugod sa panimalay sa pamilyang Niez. Matud ni SFO4 Jovito Abelgas, ground commander sa Bureau of Fire nga alas 3:55 nila nadawat ang alarma sa sunog ug nakontrolar alas 4:10 diin P50 mil ang danyos.

Naglisod sa pagsulod sa fire scene ang mga bombero kay kinahanglan pa silang mokatkat sa mga sam-ang duol sa lugar.

Si Kapitan Boloy Lauron nitug-an nga magtagbo sila sa iyang mga opisyal aron sabutan ang pagtabang sa mga nasunogan. Gibuksan usab nila ang sports complex alang sa mga biktima sa sunog ug adunay mga tent nga mahimong gamiton.

Si Eduardo Niez, usa sa mga nagpuyo sa balay nitug-an nga dili siya motuo nga sa ila nagsugod ang kayo. Bugtong 13 anyos niya nga anak maoy nahabilin niadtong tungura kinsa dali sab nakadagan human nakadungog sa siyagit sa mga tawo.

Siya nagtuo nga overload sa linya sa kuryente ang hinungdan sa sunog kay daghan ang mag-tap og linya sa kuryente sa ilang lugar.

Usa ka gatos ka libo ka pesos sab ang danyos sa sunog nga nahitabo sa Sitio Angelus, Barangay Sambag 1 kagahapon sa buntag nga nagsugod sa panimalay ni Neria Ermac nga gipuy-an nila ni Elsa Biñan ug pipila ka mga lodger.

Matud ni FO1 Rogelio Dabalos, alas 6:34 nila nadawat ang alarma ug nakontrolar nila alas 6:54 ug giisa nila sa first alarm.

Duha ka panimalay ang hingpit nga naugdaw ug tulo ang partially burned. Ilang gituohan nga electrical short circuit ang hinungdan sa kayo. Hinoon dugang pakisusi ang ilang himoon ilabi na nga nakadawat silag taho nga adunay nagsuyop sa lugar.

Sudlonon sab ang lugar nga nasunugan hinungdan nga naglisod og sulod ang kabomberohan.

Gihimakak ni Biñan nga sa ilang kwarto nagsugod ang sunog kay sayo sa kadlawon sa iyang pagbiya iya mang gipawong ang tanang linya niya sa kuryente.

Si Kapitan Lemar Alcover, mopatawag og tigum sa konseho aron masabutan ang ayuda nga ilang mahatag ngadto sa mga nasunugan nga niabot sa 30 ka indibidwal.

Kapin sa P120 mil sab ang danyos human masunog ang duha ka establisemento niadtong Domingo sa kadlawon sa Brgy. Guizo, dakbayan sa Mandaue.

Si SFO2 Cipriano Codilla Jr. niingon nga nadawat nila ang alarma pasado alas 3:29 sa kadlawon ug naabot sila sa lugar alas 3:34.

Giisa nila sa second alarm ang sunog nga ilang nakontrolar alas 3:48.

Sumala sa ilang imbestigasyon, gikan sa kisame ang kayo ug posibleng faulty electrical wiring ang hinungdan. Lendilyn Alquilos  (BANAT NEWS)

SUNOG
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with