Expanded Oplan Tokhang ipahigayon

CEBU, Philippines - Dili lang mga residential house, subdivision, condominium, bar ug hotel ang subject sa Oplan Tokhang sa Police Regional Office 7 kay ila nang iapil ang mga  tunghaan, outsourcing company, pantalan, terminal ug private ug public nga mga opisina.

Si PRO 7 director Noli Taliño, niingon nga ila kining natuki human sa conference nga gihimo sa mga opisyal sa kapolisan uban si PNP chief Ronald “Bato” Dela Rosa.

 “Lahat kasama sa expanded and extended version sa Oplan Double Barrel that includes schools, malls, market, BPOs,” matud pa ni Taliño.

Apan sa dili pa himoon ang bag-ong Oplan Tokhang ang mga police station makig-alayon una sa mga establisemento, buhatan ug uban pa nga mga organisasyon aron sa pagpangayo og pagtugot.

“Kailangan may initial coordination, first kailangan may pirmiso before entering para maganda ang dialogue na i-conduct,” dugan pa niini.

Matud ni Taliño nga ang extended Oplan Double Barrel paagi kini aron mas mapalapad og mapahugtan pa ang kampanya sa ilegal nga drugas. Gani gumikan niini, nikunhod ang uban pang mga kremin. (BANAT NEWS)