CEBU, Philippines - Napusilan ang gidudahang pusher sa iyang silingan human kini badlunga sa paghunong sa ilegal nga negosyo sa Sitio Trinidad Punta Princesa, Dakbayan sa Sugbo sa niaging Huwebes sa hapon.
Ang biktima giila nga si Joart Calapini, 30, residente sa maong lugar, kinsa nakaangkon og duha ka samad pinusilan sa luyong bahin sa lawas ug dughan. Ang suspek nailhan sa ngalan nga Remy.
Matud ni Calapini nga nagbarug siya sa gawas sa ilang balay dihang ang suspek kalit nga niabot sa iyang luyo ug namusil dayon sibat.
Nakatawag pa og tabang sa iyang silingan ang biktima samtang nagkupot sa iyang samad sa dughan.
Gibutyag sa inahan sa biktima nga si Joselyn ngadto sa mga polis nga ang iyang anak gibadlong sa niaging adlaw sa suspek.
Kasamtangang gipangita ang suspek samtang ang biktima ang nagpabilin pa sa tambalanan. (BANAT NEWS)