CEBU, Philippines - Nihangyo si Toledo City Mayor John Henry Osmeña sa konseho sa dakbayan nga hatagan siya og pagtugot nga makahuwam og P1-bilyon sa bangko.
Tumong sa mayor nga may pundo nga magamit sa mga proyektong inprastraktura nga nalakip sa Local Development Plan ug sa Annual Investment Program ug uban pang prayoridad nga proyekto alang sa kalambuan sa dakbayan.
Ang mayor nagkinahanglan og pagtugot sa konseho nga masulod sa negosasyon tali sa Veterans Bank aron makahuwam sa maong kantidad.
Ang hangyo sa mayor gitugyan na sa committee on finance and appropriations sa konseho alang sa paghimo og dugang pagtuon.
Lakip sa mga plano ni Osmeña ang pagpatuman sa reclamation project ug tugpahanan sa siyudad. (BANAT NEWS)