CEBU, Philippines - Mipaboto og armas nga blanko ang bala si consultant on jail matters sa CPDRC nga si Marco Toral kagahapon human sa pagtakal sa 4 ka mga inmates nga nasakpang nagsugal.
Matud niini, nagsilbing warning ang maong boto sa mga priso nga mga badlungon bisan og kadaghan na nga gipahimangnoan nga dili magsugal apan padayon kini nila nga gibuhat.
Tungod sa maong boto, matud ni Lito Granada ang Mayor de Mayores nga nangahadlok ang ubang piniriso hinungdan nga gipang-surrender nila ang nagkadaiyang hait nga hinagiban kini sama sa nipper, kutsilyo, gunting ingon man kutsara ug tinidor nga gidili sulod sa prisohan.
Ang blank cartridge nga gigamit ni Toral mao ang gamiton kun adunay 21 gun salute. (BANAT NEWS)