Kanhi kapuyo gidunggab sa babaye
Sheriza Mae R. Uy (Banat) - May 23, 2016 - 12:00am

CEBU, Philippines -  Natanggong sa selda sa kapolisan ang usa ka babaye nga namugos nga mosulod sa giabangang lawak sa iyang kanhi kapuyo ug nanunggab sa  dalan Jabonero, Dakbayan sa Sugbo.

Si Minerva dela Cerna, 41-anyos, taga Sitio Mangga, Punta Princesa, ang niadto sa giabangan sa iyang kanhi hinigugma nga si Resel Basilla, 41, duol sa Department of Social Welfare and Services (DSWS) sa Labangon kagahapon sa buntag.

Alas 9:30 sa buntag gialarma ang kapolisan human sa tawag sa kaubang boarder ni Basilla.

Atol sa pagkutlo niining balita, wala pa masuta kung unsay rason ni dela Cerna nganong gusto kining mosulod sa maong lawak.

Matud pa nga gikan sa Mabolo si Basilla ug niuli sa Labangon ug didto nagkalalis ang duha.

Giingong nakakuha si dela Cerna og botelya nga gihapak sa ulo ni Basilla apan nakahigayon ang biktima sa pagdagan.

Gigukod siya ug gidunggab sa wala nga bahin sa buko-buko hinungdan sa pagkalandig sa Cebu City Medical Center samtang nasikop usab si dela Cerna sa barangay tanod sa Labangon nga si Shirley de los Reyes. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with