CEBU, Philippines - Giawhag sa Cebu City Office on Substance Abuse Prevention (COSAP) ang mga opisyal sa kabarangayan nga umulon ang tagsatagsa ka Barangay Anti-Drug Abuse Council (BADAC). Matud sa pangulo sa COSAP, Dr. Alice Utlang, nga sa 80 ka barangay sa dakbayan, 10 lang ang niduso sa ilang updated programs nga mao ang Barangay Labangon, Budlaan, Kamagayan, Day-as, Sambag 2, Tejero, Ermita, San Antonio, Binaliw ug Taptap.
Giawhag ni Utlang ang mga kapitan nga palihokon ang BADAC.
Ang kakuwang sa programa batok sa ginadiling drugas sa BADAC ang gituohan ni Utlang nga hinungdan sa pagkuyanap sa drugas sa kabarangayan.
Si Utlang malaumon nga mahatagan sila og sakyanan sa COSAP aron aduna silay magamit sa higayon nga aduna silay ipahigayon nga surprise drug test sa kabarangayan. (BANAT NEWS)