Mga taga bangko nabalaka sa seguridad

CEBU, Philippines - Ang Bankers Club of Cebu nihangyo sa kapolisan nga paninguhaong magpabilin ang kalinaw ug seguridad sa Sugbo ilabi na gikan sa mga dagkong grupo sa mga tulisan.

Gibutyag ni Police Regional Office (PRO-7) Regional Director Patrocinio Comendador nga nihangyo ang kahugpongan sa mga bangko nga pahugtan gihapon ang seguridad bisan pa man wala na kaayo mga dagko nga pagpanulis dinhi sa Sugbo.

Dugang pa ni Comendador nga buot lang sa Bankers Club of Cebu nga hatagan og peaceful environment ang kadaghanan.

Hinuon adunay pipila ka mga polis ang gipagdestino sa lain nga lugar aron sa hugot pa nga seguridad ug para sa mga pagpangandam sa nagkalain-laing operasyon sa kapolisan. (BANAT NEWS)